Malampusong gipahigayon ang pag turned-over sa lain na usab nga proyekto ni Mayor Evan Hope olvis, nga ang senior citizens building sa barangay De Vinta Perla, lungsod sa Polanco, ning lalawigan sa Zamboanga del Norte sa miaging adlaw.
Ang maong proyekto gipatuman sa local government sa Polanco nga adunay pahat P750 mil. Nag pasalamat si nanay Adelaida Bantuya, presidenti sa senior citizens sa maong barangay, ngadto na kang mayor Boyet Olvis sa pag hatag sa maong building sa ilang association.
Sa mensahe ni mayor Olvis, dako niyang kalipay nga 100 percent nahuman na pag pabarog ang senior citizens building, diin aduna nay magamit ang mga edaran nga may lawak tigumanan panahon sa ilang panagtigum.
Ang maong edepisyo mamahimo usab nga ilang kabutangan sa ilang mga gamit nga mapalit unya nila sa one percent share sa barangay. Samtang mapasalamaton si mayor Olvis, ngadto na sa nag donate sa yuta nga si kanhi kapitan Rosewel Rollorata. (Ryan Uy)