Gisugdan na ang proyekto sa Mini Covered Court sa Ramon Magsaysay National High School sa lungsod sa Salug niadtong Hunyo 22, isip kabahin sa padayon nga pagpalambo sa mga pasilidad alang sa edukasyon ug kabatan-onan.
Nagkantidad og ₱999,732.22 ang maong proyekto nga gilauman mahimong sentro sa mga kalihokan sa mga estudyante, atleta ug komunidad alang sa sports ug uban pang mga programa.
Gituohan nga ang bag-ong pasilidad makatabang sa pagpalambo sa talento sa mga kabatan-onan ug maghatag og mas angay nga lugar alang sa nagkalain-laing aktibidad sa eskwelahan ug komunidad.
Sumala sa lokal nga panggamhanan, ang proyekto maoy usa sa mga lakang aron mapalambo pa ang mga pasilidad ug mapalapdan ang mga oportunidad alang sa katawhan sa Salug.(JENIFFER JR. DELICA)
Source: Municipality of SALUG