Mipahigayon og 4th Quarter Joint Meeting ang Provincial Peace and Order Council (PPOC) ug Provincial Anti-Drug Abuse Council (PADAC) niadtong Miyerkules, Disyembre 17, 2025, didto sa Ground Floor, Plenary Hall sa Zamboanga del Norte Convention and Exhibition Center.
Nanguna sa kalihokan si Vice Governor Julius C. Napigquit isip Presiding Officer hulip ni Governor Darel Dexter T. Uy nga adunay gitambongan usab nga laing importante nga kalihokan. Kadaghanan sa mga miyembro sa PPOC ug PADAC ang nakatambong hinungdan nga nakab-ot ang tukmang gidaghanon sa quorum.
Sa PPOC nga bahin, natuki ang Executive Order sa pag-reconstitute sa council, 2025 Status ug Accomplishment Reports gikan sa Zamboanga del Norte Police Provincial Office ug 97th Infantry Battalion sa Philippine Army, lakip ang mga proposal ug hangyo alang sa Peace and Order and Public Safety funding support, resolusyon sa pagpagawas sa pondo, ug ang 2024 Peace and Order Council Audit Report.
Alang sa PADAC, gipresentar ug gituki ang bag-ong Executive Order sa pagkomposo sa council, proposed expansion sa membership, salient features sa Local Anti-Drug Plan of Action, proposed 2026–2028 LADPA, accomplishment report sa PADAC, reports sa mga ahensya, ug ADAC Audit 2025 indicators.
Human sa pipila ka hisgutanan sa other matters, gitak-opan ang Joint Meeting nga malampuson, nga nagpakita sa padayong paningkamot sa probinsya sa pagpalig-on sa kalinaw, kahusay, ug kampanya batok sa ilegal nga droga.(JENIFFER JR. DELICA)
Source/Photo Courtesy: Zamboanga del Norte Provincial News Network