Naghatud og malampusong operasyon ug libreng konsultasyon ang Kuyog Ta Serbisyo Medikal sa Zamboanga del Norte Medical Center isip kabahin sa padayong paningkamot sa pagpaabot og dekalidad nga serbisyong panglawas sa katawhan sa lalawigan.
Kahinumduman nga gipahigayon niadtong Disyembre 17 ang nagkalain-laing operasyon sa mga pasyenteng nagkinahanglan og hinanaling pag-atiman, samtang gipadayon karong Disyembre 18 ang libreng konsultasyon sa Out-Patient Department. Gihatagan og prioridad ang mga kaso sa breast ug thyroid mass, rectal ug pediatric surgery cases, cancer cases, dialysis patients AVE, fistula ug graft, lung surgery cases, ug cardiac surgery cases, nga gipangulohan sa mga boluntaryong espesyalista sa ZNMC.
Gipalig-on sa maong programa ang adbokasiya sa probinsyal nga pangagamhanan ilawom sa administrasyon ni Gobernador Darel Dexter T. Uy sa paghatud og serbisyong medikal nga duol, episyente, ug maabot sa mga kabus ug labing nanginahanglan nga pamilya sa Zamboanga del Norte.(JENIFFER JR. DELICA)
Source/Photo Courtesy: Zamboanga del Norte Provincial News Network