Gitambongan ni Gobernador Darel Dexter T. Uy ang General Assembly Meeting sa Motorpool Division sa Provincial Engineering Office (PEO) niadtong Huwebes, Disyembre 18, 2025, didto sa Obay, Polanco, Zamboanga del Norte.
Sa iyang mensahe, midasig ang gobernador sa mga kawani ug empleyado sa PEO nga magpadayon sa matinud-anong pagserbisyo ug magtinabangay alang sa mas paspas ug episyenteng paghatod sa serbisyo publiko. Iyang gipahayag nga ubos sa iyang liderato, padayon ang paningkamot sa probinsyal nga pangagamhanan sa pagserbisyo sa katawhan ug sa pagpalambo sa Zamboanga del Norte.
Sa kalihokan, gipahinumdoman usab sa mga opisyal sa PEO ang mga empleyado sa ilang responsibilidad, samtang gipahigayon ang mga lecture kabahin sa preventive maintenance ug mga lagda sa mga drayber, operator, ug mekaniko, isip kabahin sa pagpalig-on sa disiplina ug propesyonalismo sa serbisyo publiko.(JENIFFER JR. DELICA)
Source/Photo Courtesy: Zamboanga del Norte Provincial News Network