Nagpasalamat si Investigation Agent-V Ariel L. Escudero, Provincial Officer sa PDEA sa Zamboanga del Norte, Regional Office IX nga nagnegatibo ang tanang resulta sa mga driver ug conductor atol sa gipahigayong Oplan Harabas 2024, sa Bus Integrated Terminal Dipolog, Marso 26 ning tuiga.
Ang pagpatigayon sa Random Drug Test pinaagi sa Philippine Drug Enforcement Agency (PDEA) katambayayong ang Land Transportation Office (LTO), Land Transportation Franchising and Regulatory Board (LTFRB), City Anti-Drug Abuse Council (CADAC) Dipolog engun man ang mga Brgy Officials, Management sa Bus Integrated Terminal Dipolog.
Saysay pa ni IA Escudero nga tinuig ang pagpahigayon ug Random Drug Test ngadto sa tanang mga driver’s sa bus lakip na ang mga conductor dili lamang sa panahon sa semana santa lakip na sa mga adlaw kung adunay magarequest niini aron maprotektahan ang mga pasahero sa disgrasya nga wala damha ilabi na sagad sa mahitabo lango sa druga ug ilimnong makahubog ang mga driver ug daghan ang maamong nga mga inosenting pasahero lakip na ang mga sibilyan.
Pagpaklaro sa Provincial Officer sa PDEA nga anaa sa 100 ka buok ang malampusong na drug test gumikan 100 lamang ang test kits ug nagpasalamat kini gumikan negatibo ang resulta sa tanang driver ug conductor sa drug test.
Sa katapusan nanghinaot si Escudero nga ang tanang driver ug conductor magapadayon ang ilang pagsunod sa lagda sa balaod mahitungod sa driving, dili lamang sa proteksyon sa ilang kaugalingon labaw sa tanan riding public. Lakip gipasalamatan ni Escudero ang Kagamhanang Lokal sa Dipolog, engun man CADAC ug ang mga local media nga misakse sa maong Oplan Harabas aron ipahibalo sa publiko nga ang gobyerno naghiniusa ug matod pa ni Escudero nga mao kini ang “fruit of the nation approach”sa pakigbatok sa illegal nga drugas diin magkahiusa ang gobyerno aron sa pagpakgang sa problima sa druga sa katilingban. (Angelica T. Obina)