Ang opisina sa probinsya sa Department of the Interior and Local Government-Zamboanga del Norte, nagpahigayon ug usa ka Knowledge Management (KM) Orientation alang sa mga personahe ug kawani sa opisina sa probinsiya niadtong Hunyo 9, 2025,didto sa DILG ZDN PO Conference Room.
Kini nga oryentasyon gipasiugdahan sa LGPRC Coordinator ug Facility Heads, kinsa naghatag ug makahuluganon nga mga presentasyon sa kabililhon sa KM sa pagpausbaw sa paghimog desisyon, usa ka lakang sa pagpalig-on sa internal nga kapabilidad ug pagpalambo sa information-sharing practices usa ka pagpasiugda sa kabag-ohan, ug pagsiguro sa pagpadayon sa tibuok operasyon.
Sa maong aktibidad, si LGOO II ug LGPRC Coordinator Moses Dengal Aya-ay, mihatag og gibug-aton sa importansya sa kahibalo isip usa ka estratehikong asset nga nag ingon, nga Pinaagi sa pagdawat sa mga gawi sa KM, gihatagan gahum ang mga koponan nga makakat-on gikan sa kasinatian, mapaayo ang mga serbisyo, ug maghatag labi ka maayo nga sangputanan alang sa publiko.
Ang mga misalmot,mipartisipar sa mga interactive nga workshop nga gidesinyo sa pag-mapa sa mga kal-ang sa kahibalo ug pag-ila sa mga lugar nga alang sa kalamboan sulod sa ilang tagsa-tagsa ka mga yunit ug kini gipasalamatan sa mga partisipante ug giisip nga usa ka pagpaila sa mahinungdanong mga konsepto, himan, ug mga estratehiya nga may kalabutan sa epektibong pagdumala sa kahibalo, lakip ang pag-ila, dokumentasyon, pagpaambit, ug paggamit sa kahibalo sa organisasyon.
Dugang pa, kini nga kahigayonan naghatag ngadto sa mga partisipante sa mas klaro nga sumbahanan kon unsaon pagdumala ug paggamit sa kahibalo isip kabahin sa ilang adlaw-adlaw nga trabaho,nga makahatag ug maayong tumong nga mao ang maluntarong kalamboan sa institusyon pinaagi sa pagsuporta,pagsalig ug pagkat-on sa maong inisyatiba.(Medalyn U. Borja)
Source: DILG Zamboanga del Norte