Nagtipon ang mga barangay officials gikan sa tibuok Zamboanga del Norte sa pagsugod sa Provincial Liga Convention 2026 nga gipahigayon sa Zamboanga del Norte Convention and Sports Center niadtong Mayo 5, 2026, ug magpadayon karon Mayo 7, 2026.
Kini nga panagtigom nagtutok sa pagpalig-on sa kapasidad sa mga lokal nga lider sa pag-atubang sa kalamidad ug pagsuporta sa energy sustainability pinaagi sa mas lig-on nga koordinasyon ug pangagamhanan.
Sumala kang Provincial Liga President, Sushmita R. Jalosjos, importante ang panaghiusa sa mga barangay aron mapalambo ang serbisyo publiko ug mapalig-on ang kahandaan sa komunidad batok sa krisis ug kalamidad.
Samtang, si Governor Darel Dexter T. Uy mipadayag sa iyang pag-ila sa dedikasyon sa mga barangay officials, ilabi na sa pagdala sa serbisyo ngadto sa mga komunidad.
Sa laing bahin, si Provincial DILG Director Mario A. Baterna mipasabot sa suporta sa Department of the Interior and Local Government sa pagpalig-on sa kapasidad sa mga barangay pinaagi sa mga programa sa disaster resilience ug energy preparedness.(IKEN B. GULLEM)
Source: Zamboanga del Norte Provincial News Network