Opisyal nga gipresentar ang unang edisyon sa coffee table book nga “Threshold”, nga naghulagway sa panagtambayayong tali sa provincial government ug sa jail authorities sa pagpalambo sa mga pasilidad sa prisohan sa probinsya.
Ang maong publikasyon gipresentar ni Regional Director JCSUPT Amado A. Concepcion Jr. ngadto kang Gov. Darel Dexter T. Uy isip pag-ila sa suporta sa probinsya sa mga programa alang sa pagpaayo sa jail facilities.
Sumala sa mga opisyal, ang libro nagdokumento sa mga inisyatibo ug proyekto nga nagtumong sa mas luwas, mas organisado, ug mas makatawhan nga sistema sa pag-atiman sa mga persons deprived of liberty.
Gipasiugda nga ang maong panagtambayayong nagpalig-on sa mga reporma sa corrections system sa probinsya.(IKEN B. GULLEM)
Source: BJMP REGION IX WESTERN MINDANAO