Nagtingkagol na karon sa prisohan homan masikop ang usa ka Top 3 Most Wanted person sa kasong pagpatay,atol sa gipatoman nga operasyon sa mga personahe sa kapulisan mga alas 4:00 ang takna sa hapon niadtong Mayo 5, 2026, didto sa Purok 1, Brgy. Loay, Gutalac, Zamboanga del Norte.
Naila ang dinakpan nga wanted person nga si alyas “Erning” 46 anyos, lalaki, ulitawo nga adunay live-in partner, walay trabaho, nalista isip Top 3 Most Wanted person provincial level sa Uson MPS ug residente sa nasangpit nga lugar.
Gidakop pinaagi sa mga personahe gikan sa Masbate 2nd PMFC, PRO5, uban sa koordinasyon sa Gutalac Municipal Police Station ug uban pang mga yunit pinaagi sa bisa sa Warrant of Arrest sa kasong Murder ubos sa Article 248 sa Revised Penal Code nga gi-isyu ni Hon. Jose Ronald M. Bersales, Presiding Judge, Regional Trial Court, Fifth Judicial Region, Branch 47, Masbate City, Masbate, nga gipetsahan ug Hulyo 22, 2021, nga walay piyansa nga girekomendar.
Ang dinakpan gipahibalo sa hinungdan sa iyang pagkadakop ug mga katungod sa konstitusyon, ug anaa na kini karon naka kostudiya sa Masbate PMFC samtang naghulat sa pagbalik sa Warrant of Arrest.(MEDALYN U. BORJA)
Source: ZNPPO