Malampusong napahigayon niadtong adlaw nga Martes ,Marso 24, 2026 ang Provincial FR PO’s ug UGMO PO Assembly nga gipahigayon sa D’Food Hub Dipolog Boulevard.
Ang maong asembliya gihimo alang sa mga nag-unang programa ug serbisyo, nga gilangkuban sa Peace and Reintegration Program, Livelihood and Economic Empowerment, ug Community Awareness and Protection Program.
Kini nga mga programa gisuportahan sa Gobernador ning probinsya sa Zambonga del Norte nga si Governor Darel Dexter Uy.
Tumong niini nga masuportahan ang mga kanhi rebelde ug huyang nga mga sektor komunidad pinaagi sa mga malungtarong oportunidad sa panginabuhi, panaghiusa sa katilingban, ug pagpalig-on sa seguridad.
Niini nga programa ang mga partisipante mipadangat ug mga diskusyon alang sa pagpalambo sa koordinasyon, pagpaayo sa paghatud sa serbisyo, ug malahutayong kalambuan nga inklusibo.
Nagbutyag nga ang padayon nga pagtinabangay sa mga stakeholder hinungdanon sa pagkab-ot sa malungtarong kalinaw ug pag uswag sa ekonomiya dinhi sa Probinsya.(MEDALYN U. BORJA)
Source: PSWDO Zamboanga del Norte