Mobalor sa kapin P40,000 nga kantidad sa ilegal nga drugas ang malampusong nakumpiska gikan sa usa ka drug suspek atol sa gikasa nga hiniusang buy-bust operation sa Barangay Anongan, Sibuco, Zamboanga del Norte, Marso 26,2026.
Ang maong dinakpan nasikop ug nakumpiskahan sa kapulisan sa gibana-bana nga 6 gramos sa gituohang shabu nga adunay gibanabanang kantidad nga PHP 40,800.
Ang pagkasikop sa suspek ug pagkakumpiska sa ilegal nga drugas gihimo pinaagi sa mga personahe sa Sibuco Municipal Police Station (lead unit) kauban ang 2nd ZNPMFC sa koordinasyon sa PDEA 9.
Kining malampusong operasyon nagpakita sa lig-on nga dedikasyon sa atong mga personahe sa pakigbatok sa ilegal nga droga ug sa ilang padayon nga paningkamot aron mapanalipdan ang atong komunidad.(MEDALYN U. BORJA)
Source: Sibuco, ZNPPO