Dakung pasalamat sa mga sakay sa usa ka pribadong sakyanan nga natumbahan sa dakung kahoy diin nakaangkon lamang kini ug mga minor nga samad ug bun-og sa kalawasan human natumbahan ang usa ka mini cargo truck atol nga nagbiyahe sa highway sa lungsod sa Piñan Zamboanga del Norte Mayo 19, ning kasamtangang tuig.
Ang mga biktimang sakay mao ang tulo ka babaye, usa ka 7 years old nga bata, lakip na sa drayber sa sakyanan.
Dali dayung mirespondi ang MDRRMO Piñan inubanan sa koordinasyon sa BFP Mutia, ug malampusong dayung naangkon ang kaluwasan sa mga biktima nga nangaipit sa driver seat sa maong sakyanan.
Ang mga biktima dali gilayon silang gidala sa balay tambalanan sa lungsod sa Piñan para sa hinanaling pag atiman.
Sa pagkakaron padayon pa ang imbestigasyon sa mga kapolisan sa Piñan PNP sa hinungdan sa pagkatumba sa dakung kahoy nga matud pa usa sa nakitang rason tungod sa walay hunong nga pag ulan inubanan sa kusog nga paghangin.(Angelica T. Obina)
Source: PIÑAN PNP