Sikop ang usa ka indibidwal nga namaligya sa ginadiling druga kun shabu atol sa gipahigayong drug buy bust operation sa kapulisan sa Purok Madasigon, Brgy. Sicayab ning syudad sa miaging adlaw.
Ang suspetsado nga si alyas Rony,31 anyos, minyo ug lumolupyo sa Purok San Roque sa nahisgutang nga barangay.
Ang dinakpan nakuhaan gikan sa iyang posisyon sa duha ka gagmay nga mga pakete nga gituhuang shabu ug lain usa ka medium size nga pakete sa shabu diin mokabat sa 3 gramos ang timbang nga adunay kinatibuk-ang kantidad nga 20,400.00. ka pesos sigun sa standard drug price.
Anaa usab ang tibuok 1,000 ka pesos isip buy bust money,usa ka cellphone nga iya sa suspetsado ingon man ug usa ka itom nga sling bag nga maoy gisudlan sa mga ebedinsya.
Ang operasyon gipanguluhan sa mga personahe sa Dipolog PNP sa koordinasyon sa Regional Drug Enforcement Unit 9 ug PDEA 9.
Sa pagkakaron ang dinakpan ang anaa na sa kostudiya sa Dipolog City Police Station ug mag atubang sa kasong paglapas sa RA 9165 kun Comprehensive Dangerous Drugs Act of 2002.(Angelica T. Obina)
Source: DIPOLOG PNP