Gisugdan sa usa ka Motorkada ang tinuig nga kasaulogan sa Press Week sa dakbayan Dipolog nga malagsikong gisalmotan sa lain-laing ahensya sa gobyerno, gikan sa pribadong institusyon, ug media organizations.
Ang maong aktibidad gipangunahan sa Zamboanga del Norte Press Club, ubos sa pag pangulo ni Atty. James Cyril O. Ruiz,isip presidente sa maong organisasyon.
Gipakita sa nasangpit nga motorkada ang panaghiusa sa mga tinun-an sa media ug mga sektor sa komunidad aron pasidunggan ang papel sa lokal nga press sa pagpalugway sa kasayuran, pagpausbaw sa transparency, ug pagpalig-on sa koneksyon sa publiko.
Nasayran nga kini nga kalihokan molungtad gikan sa Disyembre sa 10 hangtod 17, 2025, uban ang lain-laing kalihokan nga nagtinguha sa pagpalig-on sa panaghigalaay sa media practitioners ug pagdasig sa mas lawom nga pag-ila sa responsableng pamantalaan.(JENIFFER JR. DELICA)
Source: Dipolog City Government