Lima ka enumerators ang giandam sa husto nga proseso sa survey ubos sa giya ni John Adriel C. Paraguya, Statistical Specialist II, ug Robert D. Caranzo, Regional Focal Person sa RSSO IX, uban sa suporta sa ubang opisyal sa Zamboanga Peninsula, atol sa gipahigayong Joint Second and Third Level Training para sa Rice and Corn Stocks Survey: Household and Commercial sa PSO Zamboanga del Norte.
Gitutokan sa training ang tukmang pamaagi sa pagkuha ug pagrekord sa rice ug corn stocks sa mga panimalay ug komersyal nga establisemento. Ang datos makatabang sa paghatag ug klaro nga hulagway sa supply sa bugas ug mais sa nasud, nga importante sa pagplano sa sektor sa agrikultura.
Gisuportahan ang survey sa Republic Act No. 10625, Philippine Statistical Act of 2013, nga nagmandato sa PSA sa pagtipon ug pagmantala sa estadistikal nga impormasyon kabahin sa ekonomiya.
Gihangyo ang kooperasyon sa tanang respondents aron masiguro ang tukma ug kasaligan nga datos, nga magamit sa paghimo ug epektibong polisiya ug programa alang sa kalamboan sa agrikultura.(IKEN B. GULLEM)
Source: PSA Zamboanga del Norte