Nadakpan sa Cebu City Police Office (CCPO) ang pito (7) ka Most Wanted Persons ug uban pang wanted individuals sa usa ka 12-oras nga coordinated operations niadtong Disyembre 8, 2025, isip kabahin sa gipakusgan nga seguridad sa umaabot nga Yuletide Season ug Sinulog Festival 2026. Ang operasyon gi-koordinar sa mga police stations sa Mabolo, Carbon, Guadalupe, Labangon, ug sa City Investigation and Detection Management Unit (CIDMU).
Sa mga nadakpan, mao ang Top 5 Regional Most Wanted Person nga si alias “Belon” sa kaso sa Murder; Top 1 Municipal Most Wanted Person nga si alias “Ra” sa kaso sa Malversation; duha ka wanted persons sa kaso sa Illegal Gambling ug violation sa National Internal Revenue Code; Top 10 Regional Most Wanted Person sa kaso sa Frustrated Murder; ug Top 5 Provincial Most Wanted Person sa kaso sa tulo ka counts sa Rape. Usa pa ka lalaki nadakpan sa kaso sa National Internal Revenue Code.
Gidayeg ni PCOL George V. Ylanan, Officer-in-Charge sa CCPO, ang tanan nga operating units sa ilang dedikasyon ug professionalism. Gisiguro niya sa publiko nga padayon ang gipakusgan nga operasyon batok sa mga wanted persons ug krimen aron mapadayon ang kalinaw, kahapsay, ug seguridad sa tibuok siyudad sa pagsaulog sa dagkong holiday ug cultural events.
Source: CCPO
I via Renante Socia Lada