Aron masiguro ang organisado ug epektibong implementasyon sa mga programa sa umaabot nga tuig, mipahigayon ang Department of Agrarian Reform (DAR) – Zamboanga del Norte sa Presentation ug Review sa Annual Work Plan and Budget (AWPB) sa DAR-SPLIT Project alang sa Calendar Year 2026, sa Royal Farm, Brgy. Gulayon, Dipolog City.
Gipangulohan ang kalihokan ni PARPO II Daisy Dell Suan Digamon, kauban ang mga pangunang opisyales sa DAR lakip sila PARAD Atty. Avito G. Zamora, OIC–PARPO I Engr. Alfonso A. Tan, Chief Legal Officer Atty. Leo Santiago M. Briones, PCAO Samuel Andrew A. Baliton, CPA, ug CARPO–LTID Teodulo J. Yanoyan Jr. nga naghatag og mga giya ug suhestiyon alang sa mas lig-on nga direksyon sa proyekto.
Lakip sa gituki sa kalihokan ang pag-analisa sa mga nahimo sa CY 2025, pagtan-aw sa kahimtangan sa kasamtangang mga proyekto, ug pagtakda sa mga prayoridad ug performance targets alang sa CY 2026. Gitumong niini nga mas mapalambo ang serbisyo sa ahensya ug mas mapadali ang paghatod sa mga benepisyo sa mga agrarian reform beneficiaries.
Mitambong usab ang mga MARPOs, SARPTs, ARPTs, ug mga kawani gikan sa LTID/SPLIT Project ug AJDP Staff, nga nagpakita sa hiniusang paningkamot sa tibuok organisasyon.(IKEN B. GULLEM)
Source: DAR ZAMBONORTE