Dipolog: Pre-schoolers sa 3 ka lungsod benepisyaryo sa mga sapatos

0
5

Adunay 3,592 ka mga pre-schoolers sa tulo ka mga lungsod sa Zamboanga del Norte ang nakapahimulos sa mga sapatos nga gi donate sa SM Store ngadto sa Kagamhanang-Probinsyal sa Zamboanga del Norte pinaagi sa UNICEF.

Sa gipahigayong ceremonial turn-over sa nasangpit nga mga sapatos, nga gipahigayon sa Hall 3 sa ikaduhang andana sa Kapitolyo-Probinsyal sa Barangay Estaka, dakbayan sa Dipolog, 1,092 ka mga bata gikan sa Siayan, 1,375 sa Leon B. Postigo ug 1,135 gikan sa Godod.

Matod pa ni Atty.Ricky Mejorada, ang mga sapatos nga gidonar sa SM Store nagsimbolo sa social commitment sa atong  kabus nga mga kaigsoonan.

Mapasalamaton ang mga ginikanan sa mga bag-ong sapatos nga nadawat sa ilang mga anak diin matod pa nila, ang pundo nga ilang gamiton pagpalit ug sapatos, magamit na nila sa uban pang kinahanglanon sa ilang mga anak sa ilang pagtungha.

Sa iyang bahin, gipasalig ni Mr. Aries Pineda, ang Senior Manager, Corporate Social Responsibility sa SM Mart, Inc. ang gihimo sa SM Store mao ang pagpaambit ngadto sa mga kaigsoonang kabus tipik sa grasyang ilang naangkon pinaagi sa ilang negosyo.

Gipahalipayan ni Mr. Pineda ang partnership sa Kagamhanang-Probinsyal ug sa UNICEF alang sa mga kabus nga kabataan sa Zamboanga del Norte.

Naglaum si Mr. Pineda nga kining partnership magpadayon hangtud pa sa umaabot pang mga kalihokan alang sa mga kabataan ning lalawigan sa Zamboanga del Norte. 

(Source: Provincial Government of Zamboanga del Norte Facebook page)

 

Leave a Reply