Nagpatuman og police visibility operation ang mga personnel sa Liloy Municipal Police Station sa sulod sa Liloy National High School aron mapadayon ang kalinaw ug kahapsay ug mapalig-on ang seguridad sa mga estudyante.
Atol sa kalihokan, nanghatag usab og information flyers sila Police Master Sergeant Agnes Medina, Police Master Sergeant Fe Labiano, Police Staff Sergeant Louie Lamparas, ug Police Corporal Herson Rey Vallejos aron mapalapad ang kahibalo sa mga estudyante bahin sa kaluwasan, disiplina, ug responsableng pamatasan.
Tumong sa maong kalihokan ang pagpalig-on sa relasyon tali sa kapulisan ug komunidad sa eskwelahan, ingon man ang pagdasig sa mga kabatan-onan sa pagpakabana sa ilang seguridad ug responsibilidad.
Padayon nga gipalig-on sa Liloy Municipal Police Station ang ilang presensya sa mga eskwelahan isip kabahin sa ilang paningkamot sa pagmintinar sa luwas ug malinawon nga palibot alang sa pagkat-on.(JENIFFER JR. DELICA)
Source: PNP Municipal Police Station