Nagpatuman og checkpoint operation ang mga personnel sa 3rd Forward Operating Base Platoon sa Zamboanga del Norte 1st Provincial Mobile Force Company sa Barangay Venus, Sergio Osmeña, Zamboanga del Norte.
Gihimo ang maong kalihokan aron mapalig-on ang police visibility, mapugngan ang mga kalapasan sa balaod, ug masiguro ang kalinaw ug kahapsay sa maong lugar.
Kabahin usab kini sa padayon nga paningkamot sa kapulisan sa pagpalig-on sa seguridad sa komunidad pinaagi sa mas aktibong presensya sa mga law enforcers.
Sumala sa Zamboanga del Norte 1st Provincial Mobile Force Company, padayon nilang ipatuman ang susamang mga operasyon aron mapanalipdan ang publiko ug mapadayon ang malinawon nga kahimtang sa komunidad.(JENIFFER JR. DELICA)
Source: PNP Zamboanga del Norte 1st Provincial Mobile Force Company