Mipatuman og hugot nga operasyon ang Police Regional Office 9 sa unang semana sa tuig nga miresulta sa pagdakop sa daghang Most Wanted Persons sa tibuok rehiyon sa Zamboanga Peninsula.
Gikan Enero 1 hangtod 5, 2026, nagtinabangay ang regional, provincial, city, ug municipal units sa PRO 9 sa sunod-sunod nga manhunt operations nga nakaresulta sa pagdakop sa 15 ka wanted persons, lakip ang lima ka Most Wanted Persons ug napulo ka Other Wanted Persons.
Matod pa sa PRO IX, ang kalampusan sa operasyon tungod sa lig-on nga police presence, maayong koordinasyon sa mga operating units, ug hugot nga pagpatuman sa mga warrant of arrest, isip kabahin sa padayon nga kampanya batok sa kriminalidad ug sa pagpalig-on sa kalinaw ug kahapsay sa rehiyon.(JENIFFER JR. DELICA)
Source: Police Regional Office 9