Opisyal nang giila si Police Colonel Reydante Ariza isip bag-ong Officer-In-Charge sa Zamboanga del Norte Police Provincial Office human sa Turnover of Office Ceremony niadtong Enero 7, diin iyang gidayeg ang outgoing Provincial Director nga si Police Colonel Jimmy Laguyo sa mga programa niini alang sa kahapsay ug kalinaw sa probinsya.
Matod pa ni Police Colonel Ariza, iyang ipadayon ug tiwason ang mga maayong nasugdan nga inisyatiba ni Police Colonel Laguyo, ilabi na ang kampanya batok sa illegal nga droga, ug giawhag ang mga hepe sa Dipolog ug Dapitan City ug sa 25 ka lungsod nga palig-onon ang kooperasyon alang sa kalinaw ug seguridad.
Sa laing bahin, nagpasalamat usab si Police Colonel Laguyo sa pamunuan sa Police Regional Office IX ug sa tanang kapulisan sa ZNPPO sa ilang suporta sulod sa iyang unom ka bulan nga pagserbisyo, samtang giawhag ni Police Brigadier General Romeo Espero Junior ang tanang personahe nga ipadayon ang suporta ngadto sa bag-ong liderato sa probinsya.(JENIFFER JR. DELICA)