Isip pagyukbo ngadto sa mga sakop sa konseho ning dakbayan ilawom sa pagpangulo ni Bise-Mayor ug Presiding Officer Atty. Senen O. Angeles, mikurtesiya si PLTCOL.VEDASTO J. DASMARIŇAS III, OIC Chief of Police sa Dipolog atol sa regular nga sesyon niadtong Disyembre 13 ning tuiga.
Sa nasangpit nga pagbisita, gipadayag sa hepe sa kapolisan ang iyang suporta ug pagpaluyo sa mga ordinansa ug resolusyon nga gipanday sa konseho nga dunay kalabutan sa kahapsay ug kalinaw ug uban pang balaod nga nagkinahanglan og pangilabot niini.
Dugang gibutyag ni Dasmariῆas nga bisan pa nga “generally peaceful” ang Dipolog, gipaningkamotan sa Dipolog City Police nga dunay “Police visibility” sa palibot aron masustenir ang kamalinawon niini.
Dugang pamahayag pa niini nga tutokan usab niya ang kahimtang sa trapiko sa siyudad lakip na ang pagbutho sa mga “gang” nga gilangkuban sa mga minor de edad nga mao usa’y nakahatag og kabalaka ilabina na sa sektor sa Sangguniang Kabataan.
(Source: Dipolog City Government Facebook page)