Maka-upat na ka higayon naka-harvest sa utanon nga talong ang mga miyembro sa Polanco Akrho Farmers Association sa pagpangulo ni Mr. Ryan Uy, kauban ang 25 ka myembro niini, ilawom sa programa sa Zamboanga del Norte Agricultural o ZNAg Veggie Negosyo sa Barangay Sianib, Polanco, ning lalawigan.
Gibana-banang moabot na sa 1,200 ka kilo nga talong ang ilang na harvest, gikan sa usa ka ektaryang luna nga maoy gitamnan sa dul-an 9,000 Â ka punoan niini.
Mipadayag sa iyang dakong pagpasalamat si Ryan Uy, sa ngalan sa Polanco Akrho Farmers Association, ngadto sa ZNAg program nga nakahatag ug dakong tabang sa mga mag-uuma, pinaagi sa buhatan sa Provincial Agriculturist (OPAg) sa pagpangulo ni Ms. Maybel Bustaliño uban ni Mr. Robert Jumamil, ang Agriculture technician sa unang distrito, inabagan sa Polanco MAO Julieto Dellaba.
(Source: Provincial Information Center ZaNorte Facebook page)