Mipahigayon og courtesy call ang mga cadet sa Philippine National Police Academy kang PLTCOL Ryan Jay R. Capurcos, Force Commander sa 1st Zamboanga del Norte Provincial Mobile Force Company, isip kabahin sa ilang exposure sa aktuwal nga operasyon sa kapulisan.
Tumong sa maong bisita ang paghatag og mas lawom nga pagsabot sa papel sa Mobile Force Company sa pagmintinar sa kalinaw ug kahapsay, lakip ang pagpaambit og kasinatian sa field operations ug leadership nga ilang pagahawiran sa umaabot isip police officers.
Gidawat ni PLTCOL Capurcos ang mga cadet ug mipasiugda sa kahinungdanon sa disiplina, integridad, ug dedikasyon sa serbisyo publiko, nga giila niyang pundasyon sa usa ka epektibo ug matinud-anong miyembro sa Philippine National Police.(JENIFFER JR. DELICA)
Source: Zamboanga del Norte 1st Provincial Mobile Force Company