Malipayon nga gipahibalo ni Mayor Rommel Gudmalin nga makadawat og gratuity pay ang mga Job Order ug Contract of Service workers sa Lungsod sa Piñan, subay sa DBM Budget Circular No. 2025-4 alang sa Fiscal Year 2025.
Gawas sa cash gratuity pay, gikatakda usab nga hatagan ang matag benepisyaryo og usa ka sako nga bugas isip dugang pasalamat sa ilang serbisyo. Ang maong benepisyo para sa mga kwalipikadong JO ug COS nga direktang parte sa lokal nga pangagamhanan, nakaserbisyo og labing menos upat ka bulan, ug aktibo pa ang kontrata sulod sa Disyembre 15, 2025.
Sumala sa mayor, ang insentibo usa ka porma sa pag-ila sa kakugi ug dedikasyon sa mga JO ug COS workers nga padayon nga nag-alagad sa katawhan ug nagahatag og hinungdanong serbisyo sa komunidad sa Piñan.(JENIFFER JR. DELICA)
Photo Courtesy: Mayor Rommel Gudmalin