Kabahin sa programa nga PNP Ugnayan sa Barangay, nihatag og community outreach ang Dapitan City Police Station personnel sa Barangay Sto. Niño, Dapitan City, nga gipangulohan ni PCMS Marwin L. Cimafranca, CCAD PNCO, ubos sa pagdumala ni PLTCOL Eva Joy E. Capurcos, Chief of Police.
Nakapunting ang kalihokan sa paghatag og impormasyon ug kahibalo sa mga residente ug Barangay Tanods. Lakip niini ang mga lecture ug pag-apod-apod sa IEC materials mahitungod sa R.A. 9262 o Anti-VAWC Act, Barangay Cases, Warrantless Arrest, ug mga katungdanan ug responsibilidad sa Barangay Tanods.
Gihatagan usab og 12 ka arnis sticks ug usa ka handcuff ang mga Barangay Tanods. Gisundan kini og basic arnis demonstration ug familiarization aron matudloan sila sa hustong pagdumala, luwas nga paggamit, ug batakang teknik sa arnis isip dugang kahibalo sa ilang responsibilidad sa pagmintinar sa kalinaw ug kahapsay.
Samtang, nakadawat usab og hygiene kits ug snacks ang mga Day Care learners sa Sto. Niño isip kabahin sa community outreach.(IKEN B. GULLEM)
Source: PNP Dapitan City Police Station