Nakakolekta og 62 ka blood bags ang RHU Sindangan pinaagi sa ilang Blood Services Program, sa pakigtambayayong sa Philippine Advent College ug sa suporta sa administrasyon, faculty, ug staff niini, uban sa Philippine Red Cross.
Ang maong 62 ka blood bags gikan sa 62 ka boluntaryong donors nga mipakita sa ilang pagka-generous pinaagi sa pagpaambit sa dugo alang sa mga pasyenteng nanginahanglan og blood transfusion.
Gipasalamatan sa RHU Sindangan ang tanang donors nga mipaambit dili lamang sa ilang dugo, kondili apil usab ang ilang panahon, kalooy, ug espiritu sa pag-alagad sa komunidad.
Pinaagi sa ilang yano apan bililhong buhat, dako ang ilang natampo sa paghatag og paglaom ug pagluwas sa kinabuhi sa mga nanginahanglan og dugo.(IKEN B. GULLEM)
Source: RHU Sindangan