Nagpahigayon og Strong Police Presence Operation ang mga personahe sa Godod Municipal Police Station (MPS) ubos sa pagpanguna ni PCPT Ricky Orog Acas, Officer-in-Charge, didto sa Barangay Deluco, Godod Zamboanga del Norte niadtong nakalabay’ng adlaw.
Ang kalihokan gihimo uban sa kolaborasyon sa 2nd Zamboanga del Norte Provincial Mobile Force Company (ZNPMFC), 901st Maneuver Company RMFB 9, Bureau of Fire Protection (BFP), ug Municipal Disaster Risk Reduction and Management Office (MDRRMO).
Atol sa operasyon, gihisgutan sa nagkadaiyang ahensya ang nag-unang mga isyu kabahin sa kalinaw ug kahusay sama sa epekto sa illegal nga droga, crime scene first responder procedures, mga kaso nga nagalakip sa Katarungang Pambarangay, ang Anti-Rape Law (RA 8353), ug ang RA 9262 (Anti-Violence Against Women and Their Children Act).
Gipahigayon usab ang usa ka information drive pinaagi sa pag-apod-apod ug flyers aron mapalapdan ang kasayuran sa mga residente.
Ang operasyon nakahatag ug malampusong resulta sa kampanya batok sa mga loose firearms, diin usa ka (1) ka improvised shotgun nga walay serial number ug marka, uban sa bala, ang boluntaryong gisurender sa kapulisan.
Dugang pa niini, nakab-ot usab ang pag-recover sa mga gipang-abandonar nga kahoy (lumber.)
Sumala sa kapulisan, ang maong kalihokan kabahin sa padayon nga kampanya batok kriminalidad ug aron mapalig-on ang kalinaw ug kahusay sa komunidad.(Jumalisa Papa)
Source: GODOD MPS