Davao City – Moabot sa 60 ka balay ang natupok sa sunog nga mitabò sa Purok 4, Barangay 23-C kaganihang kaadlawon, Setyembre 8, 2025.
Base sa report sa Davao City Police Office (DCPO), nagsugod ang kalayo sa balay sa usa ka Sigang Macalbe tungod sa electrical ignition nga giingong resulta sa arcing.
Sa pagkakaron, padayon pa ang imbestigasyon sa mga awtoridad aron masuta ang tinuod nga hinungdan ug ang kinatibuk-ang kantidad sa kadaot sa maong sunog.
Wala pa usab ipahibalo kung pila ka pamilya ang naapektuhan ug gikinahanglan karon og hinanaling tabang.(Camille Santos Naraga)(Source: Contributed)