Gipakusgan sa Philippine National Police ang ilang presensya sa komunidad pinaagi sa usa ka kalihokan nga nagtumong dili lang sa kaluwasan, kundili usab sa pag-atiman sa katawhan, ilabi na sa kabataan sa Purok 3, Barangay Singatong, Katipunan.
Sa pagpanguna ni PCPT Jonathan T. Lagang, Officer-in-Charge, uban sa mga personnel sa 1st Zamboanga del Norte Provincial Mobile Force Company nga gipangulohan ni PSSG Vincent Jomil D. Petarte, ug sa suod nga koordinasyon sa barangay nga gipangulohan ni Barangay Chairperson Hon. Fe Gumacas, gipahigayon ang information dissemination ug pamahagi og pagkaon para sa mga bata.
Ang kalihokan nagpakita sa aktibong panaghiusa sa pulisya ug komunidad, diin gipasiugda ang kahibalo, paspas nga pagtubag sa panginahanglan sa katawhan, ug makatawhanong serbisyo. Pinaagi niini, gipamatud-an sa PNP ang ilang padayon nga paningkamot sa pagpalig-on sa pagsalig, pagpakita og kalooy, ug paghatod og inklusibong serbisyo sa matag komunidad.(JENIFFER JR. DELICA)
Source: Katipunan Municipal Police Station ZNPPO