Paspas nga mitubag ang mga personnel sa Dapitan City Fire Station Shift B sa usa ka emerhensiyang medikal nga tawag sa Barangay Dawo, ubos sa pagpanguna ni Acting City Fire Marshal FSINSP Rommel M. Rojas, REE.
Pag-abot sa lugar, nakit-an ang usa ka lalaking pasyente nga wala nay panimuot, walay pulso ug dili na gininhawa. Gilayon nga gihimo ang medical assessment ug gisugdan ang cardiopulmonary resuscitation aron mabalik ang vital signs sa pasyente.
Human sa unang pag-atiman, gilayon siyang gidala sa Dr. Jose Rizal Memorial Hospital alang sa dugang nga medikal nga pagdumala. Gipamatud-an sa insidente ang kahinungdanon sa paspas ug andam nga pagresponde, samtang padayon nga nagbarug ang Bureau of Fire Protection sa ilang tahas sa pagpanalipod ug pag-alagad sa komunidad sa tanang oras.(JENIFFER JR. DELICA)
Source: BFP R9 Dapitan City Fire Station