Mitambong si FSINSP Aprilyn B. Barboso sa Push-To-Talk Over Cellular (PoC) Seminar nga gipahigayon sa Pavilion Hall, Provincial Government Center sa Barangay Dao, Pagadian City, isip kabahin sa padayon nga paningkamot sa Bureau of Fire Protection sa pagpalig-on sa transparency ug accountability sa serbisyo.
Gipunting sa seminar ang papel sa PoC technology isip hinungdanong himan sa paspas ug tin-aw nga komunikasyon tali sa mga unipormadong personnel, ilabi na sa fire safety inspections ug emergency response operations. Pinaagi sa real-time nga koordinasyon ug klarong command responsibility, gitumong sa sistema ang paglikay sa kalibog, sayop nga desisyon, ug posible nga mga iregularidad sa operasyon.
Nagpakita ang kalihukan sa lig-on nga baruganan sa BFP sa pagpanalipod sa integridad, propesyonalismo, ug ethical nga pag-alagad sa katawhan, samtang ginapalambo ang mga pamaagi nga mosuporta sa mas paspas, mas episyente, ug mas kasaligan nga pagtubag sa emerhensiya.(JENIFFER JR. DELICA)
Source: BFP R9 Dipolog City Fire Station