DIPOLOG CITY — Misalmot ang mga personnel sa Dipolog City Police Station sa Barangay Anti-Drug Abuse Council (BADAC) meeting nga gipahigayon sa Barangay Hall sa Biasong aron mapalig-on ang kampanya batok sa ilegal nga droga.
Gipangulohan ni PSSg Mariel M. Otanio, Double Barrel Incharge, ang delegasyon sa kapulisan nga nakigkoordinar sa mga barangay officials aron mapauswag ang implementasyon sa mga anti-illegal drug initiatives sa komunidad.
Gipunting sa miting ang pagpalig-on sa koordinasyon tali sa kapulisan ug lokal nga liderato, pagmonitor sa mga programa sa barangay, ug paglatid sa mas epektibong mga estratehiya sa pagpugong sa paglapnag sa ilegal nga droga.
Ang partisipasyon sa PNP nagpakita sa padayon nga paningkamot sa pagtukod og mas luwas nga komunidad pinaagi sa kolaborasyon, accountability, ug aktibong partisipasyon sa barangay ug kapulisan.(JENIFFER JR. DELICA)
Source: Dipolog City Police Station, ZNPPO