Gipangulohan sa Guadalupe Police Station 9 ni PCPT Venstine P. Bontilao ang pagsikop sa 26-anyos nga lalaki nga nailhan sa alyas nga ‘Manoy’ human makumpiskar ang armas nga nakasuksok sa iyang hawak.
Base sa imbistigasyon, ning Pebrero 18, 2026 sa Brgy. Pamutan, samtang nag-serve og warrant of arrest ang kapulisan alang sa usa ka 56-anyos nga lalaki sa kaso nga rape, nidool ang suspek ug gikompronta ang kapulisan, nga miresulta sa iyang dali nga pagkasikop.
Gisakmit gikan sa suspek ang usa ka .45 caliber pistol nga adunay tulo ka bala sa magasin.
Kasamtangan, ang suspek anaa sa kustodiya sa Guadalupe Police Station 9 ug nag-atubang og kaso sa paglapas sa RA 10591 bahin sa ilegal nga pagpanag-iya sa armas.
Si PCOL George V. Ylanan, Officer-in-Charge sa Cebu City Police Office, nagpasalamat ug mipadayag sa iyang pagdayeg sa Guadalupe Police sa ilang padayon nga paningkamot ug dedikasyon batok sa kriminalidad.
Gisiguro usab ni PCOL Ylanan sa publiko nga magpabiling hugot ang kapulisan sa kampanya batok kriminalidad aron masiguro ang kahapsay ug kalinaw sa dakbayan sa Sugbo.
Source: CCPO
I via Renante Socia Lada