PIÑAN, Zamboanga del Norte — Gipahigayon niadtong Pebrero 18, 2026 ang Municipal Development Council (MDC) Meeting diin gisusi ug gihisgutan ang mga prayoridad nga plano ug policy directions alang sa padulngan sa lungsod sa umaabot nga tuig.
Uban ang aktibong partisipasyon sa mga miyembro sa konseho ug nagkalain-laing stakeholders, gilantaw pag-ayo ang mga key proposals nga maglatid sa development agenda sa Piñan alang sa CY 2026. Gipunting sa panagtigom ang panginahanglan sa maampingong pagplano aron masiguro ang epektibo ug target-based nga implementasyon sa mga programa.
Gipasiugda sa mga lider ang kahinungdanon sa transparency ug strategic planning isip pundasyon sa maayong pagdumala. Gilauman nga ang mga resolusyon ug rekomendasyon nga nahisgutan magdala og mas organisado ug inklusibong kalamboan sa komunidad.
Ang maong miting nagpakita sa padayon nga paningkamot sa lokal nga panggamhanan sa pagtrabaho nga magkahiusa alang sa progresibo ug malungtarong Municipality of Piñan.(JENIFFER JR. DELICA)
Source: Mayor Rommel Gudmin