Naglunsad og lecture ug mitambong sa Children’s Value and Feeding Program ang personnel sa Dipolog City Police Station sa Sta. Isabel Elementary School ug Turno Elementary School aron palig-onon ang panaghiusa sa kapulisan ug komunidad alang sa kaayohan sa kabataan.
Gipangunahan ni PSSg Mariel M. Otano, Double Barrel Incharge, ang kalihokan sa pakigtambayayong sa City Government of Dipolog ug Zamboanga del Norte – One Body of Christ Association.
Gipunting sa programa ang paghatag og edukasyonal nga pahimangno sa mga bata kabahin sa maayong pamatasan, disiplina, ug responsibilidad, samtang gipahigayon usab ang feeding activity aron masuportahan ang ilang nutrisyon ug panglawas.
Pinaagi sa maong inisyatiba, gipakita ang lig-on nga panagtambayayong tali sa pulis ug komunidad ubos sa mensaheng “Police and Community United for Every Child.”(JENIFFER JR. DELICA)
Source: Dipolog City Police Station, ZNPPO