Paspas nga mitubag ang Dapitan City Fire Station sa usa ka medical emergency sa Barangay Sulangon niadtong Pebrero 23, 2026, diin usa ka indibidwal ang nakit-an nga walay panimuot sulod sa panimalay.
Ubos sa liderato ni FSINSP Rommel M. Rojas, Acting City Fire Marshal, dayong gisiguro sa mga personahe nga luwas ang lugar ug gihimo ang inisyal nga pag-assess sa pasyente nga gituohang naangol sa ulo tungod sa pagkahulog. Gihatagan kini og oxygen ug gipahigda sa hustong kagamitan aron malikayan ang dugang kadaot samtang ginabantayan ang iyang kahimtang.
Human masuta ang vital signs, maampingong gidala ang pasyente sa Zanorte Medical Center alang sa dugang eksaminasyon ug pagtambal.
Ang maong insidente nagpakita sa kahandam ug disiplina sa mga bombero sa Dapitan sa paghatag og dali ug propesyonal nga serbisyo sa oras sa emerhensiya.(JENIFFER JR. DELICA)
Source: BFP R9 Dapitan City Fire Station