Nagpatuman og fire drill ang duty personnel sa Dipolog City Fire Station niadtong Pebrero 21, 2026 sa Top Plaza Hotel sa siyudad.
Gipangunahan ni FSINSP Aprilyn B. Barbaso ang maong kalihokan aron masiguro ang kahandam sa establisemento sa oras sa sunog o emerhensiya.
Gisentro sa drill ang hustong pamaagi sa pag-evacuate, pagsunod sa safety protocol, ug pagpalig-on sa koordinasyon tali sa management ug emergency responders.
Ang maong inisyatiba kabahin sa padayon nga kampanya sa Bureau of Fire Protection sa pagmintinar sa kaluwasan sa mga establisemento ug komunidad sa Dipolog City.(JENIFFER JR. DELICA)
Source: BFP R9 Dipolog City Fire Station