Gipalig-on sa Dipolog City Police Station ang panaghiusa tali sa Philippine National Police ug mga eskwelahan pinaagi sa Ugnayan sa Paaralan/Kabataan program nga gipahigayon sa Sinaman Integrated School sa Dipolog City. Ang kalihokan giuna sa CAD ug WCPD personnel ubos sa liderato ni PCPT Charlot M. Lapiz, WCPD/CAD Officer, uban ang aktibong suporta sa Local Government of Dipolog.
Ang awareness lecture gipahigayon sa covered court sa maong eskwelahan sa koordinasyon ni School Principal I Juhaira I. Hussien ug Barangay Chairperson ug BADAC Chairperson Hon. Nora S. Dalmacio. Tumong sa programa ang pag-edukar sa mga tinun-an aron malikayan ang ilang pagkahimong biktima sa pang-abuso ug kriminalidad.
Gipasiugda usab sa kalihokan ang papel sa kabatan-onan isip kaabag sa PNP sa pagbatok sa iligal nga droga, terorismo, ug uban pang hulga sa kalinaw ug kaluwasan sa komunidad. Ang programa gimandoan sa mga mensaheng “Stand Tall, Stand Strong, Stand Drug-Free!” ug “Youth as Partners for Peace and Public Safety.”(JENIFFER JR. DELICA)
Source: Dipolog City Police Station, ZNPPO