Nagpasiugda og spot inspection si PLTCOL EVA JOY E. CAPURCOS, Officer-in-Charge sa Dapitan City Police Station, aron masiguro ang police visibility, disiplina, ug kaandam sa mga gi deploy nga personahe, didto sa Barangay Napo, Dapitan City mga alas 5:00 sa hapon niadtong Hulyo 14, 2025.
Ang maong inspeksyon gitumong aron masuta ang presensya ug kahimtang sa mga personahe sa kapulisan nga nagbantay sa maong lugar, ilabi na ang ilang kaandam sa pagresponde sa bisan unsang emerhensiya o hitabo.
Gawas sa pag-inspeksyon, mikahinabi usab si PLTCOL CAPURCOS sa mga residente sa barangay, diin iyang gipaabot ang padayon nga paningkamot sa Philippine National Police (PNP) sa pagpanalipod sa katawhan ug paghatag og malinawon nga komunidad.
Pinaagi sa maong aktibidad, gipalig-on sa kapulisan ang ilang presensya ug kooperasyon uban sa katawhan, aron mapadayon ang kalinaw ug kahusay sa lungsod sa Dapitan.(Jumalisa Papa)
Source: Dapitan CPS