Mas luwas na karon ang kadalanan sa Central Visayas human mikunhod og 31.61% ang kaso sa mga nag-unang krimen base sa taho sa Police Regional Office 7 (PRO7) alang sa unang tunga sa tuig 2025. Ang maong kalampusan gipasidunggan sa hugot nga operasyon sa kapulisan, epektibong liderato, ug aktibong partisipasyon sa komunidad.
Gikan Enero 1 hangtod Hulyo 10, 2025, natala sa PRO7 ang 1,177 ka mga insidente sa focus crimes, nga ubos og 544 kumpara sa 1,721 nga kaso sa samang panahon niadtong miaging tuig, base sa datos sa PNP Crime Information Reporting and Analysis System (CIRAS).
“This is more than just a reduction in numbers. It reflects strategic leadership, empowered police units, and the invaluable support of our communities,” segon ni PBGen Redrico A. Maranan, Regional Director of PRO7.
Sa mga focus crimes, ang pagpangawat maoy adunay labing dako nga pagkunhod, 269 ka kaso o 37.78% nga pagkanaog. Misunod ang physical injury nga niminus og 111 ka kaso (26.43%), samtang ang pagpangawat pinaagi sa panulis misubside og 78 ka kaso (42.39%).
Ang kaso sa pagpatay mikunhod og 16 ka insidente (13.91%), samtang ang carnapping sa sakyanang de-motor mikunhod og 1 ka kaso (33.33%) ug ang motorcycle carnapping mikunhod og 15 ka kaso (34.09%).
Gikredit ni PBGen Maranan ang padayon nga pagkunhod sa krimen sa hingpit nga pagpatuman sa peace and order formula sa PRO7, nga naglangkob sa police visibility, intelligence-led operations, ug panaghiusa sa mga barangay-level nga stakeholders.
Kini nga estratehiya anguyon usab sa “three key pillars of policing” ni PNP Chief PGen Nicolas Torre III, ilabina ang paspas ug epektibong serbisyo publiko, diin gi-target nga moresponde ang frontline units sa sulod lang sa lima ka minuto, aron mapalambo ang pagsalig sa publiko ug malikayan ang krimen.
“This significant progress is the result of solid teamwork from our top leaders to every frontline officer and, most importantly, the support and cooperation of our communities. We are proving that a safer Central Visayas is possible. But we will not stop here. Crime prevention remains our mission,” dugang ni PBGen Maranan.
Giawhag usab sa PRO-7 ang publiko nga magpadayon sa pagkabana ug kooperasyon, tungod kay ang kalinaw ug kahapsay usa ka responsibilidad nga gikinahanglan ang panaghiusa sa tanan.
Source: PRO7
I via Renante Socia Lada