Isip kabahin sa paggunita sa 32nd Philippine National Police Ethics Day Celebration 2025, gipabug-atan pag-usab ang importansya sa etikal nga liderato isip pundasyon sa pagsalig sa katawhan ug epektibong pagpatuman sa balaod.
Dakong pasidungog ang gibuhat sa mga personahe sa Zamboanga del Norte 1st Provincial Mobile Force Company kang Force Commander PLTCOL Ryan Jay R. Capurcos, tungod sa iyang pagkahimong usa sa mga awardee atol sa PNP Ethics Day Celebration 2025.
Ang maong pasidungog nagpakita sa iyang integridad, propesyonalismo, ug dedikasyon sa mga sukaranang mithi sa Philippine National Police nga Maka-Diyos, Makabayan, Makatao, ug Makakalikasan. Kini usab usa ka pamatuod sa iyang matarong nga pagserbisyo ug maayong panag-ingnan isip lider sa organisasyon.
Gilauman nga kini nga pag-ila mahimong inspirasyon sa tanang miyembro sa PNP aron magpabiling matinud-anon sa etikal nga mga prinsipyo sa serbisyo publiko, alang sa padayon nga pagpalig-on sa usa ka kasaligan, matinud-anon, ug people-oriented nga kapulisan sa pagpaningkamot alang sa kalinaw, kahapsay, ug hustisya.(IKEN B. GULLEM)
Source: Zamboanga del Norte 1st Provincial Mobile Force Company