Misalmot sa gipahigayon nga Planning Activity and Coordination Meeting alang sa Shooter Attack Simulation ang mga personahe sa Gutalac Municipal Fire Station niadtong Agosto 27,2026.
Ang pagsalmot sa mga personahe gihimo sa gipangulohan ni FO3 Jerome R. Generoso, Station Caretaker, diin kini nga kalihokan gipahigayon uban sa koordinasyon sa Gutalac National High School.
Ang kolaborasyon inabagan usab sa mga personahe sa Philippine National Police (PNP), Bureau of Fire Protection (BFP), Municipal Disaster Risk Reduction and Management Office (MDRRMO), ug Parents-Teachers Association (PTA).
Nagtutok kini sa pagpalig-on sa kolaborasyon tali sa mga ahensya, pagpangandam, komunikasyon, ug mga mekanismo sa pagtubag sa emerhensya aron masiguro ang mas organisado ug epektibong aksyon atol sa posibleng mga insidente sa aktibong pag atake sulod sa tunghaan.
Usa ka lakang sa pagpangandam nga makaluwas sa kinabuhi, ug usa ka matang sa pagtinabangay sa pagmugna og mas lig-on nga tubag sa emerhensya.
Ang padayon nga pagplano, koordinasyon, mga ehersisyo sa simulation ug pagtinabangay makatabang aron mapalambo ang mas luwas ug mas andam nga komunidad sa eskwelahan.(MEDALYN U. BORJA)
Source: BFP RIX Gutalac Fire Station