Nakadawat ug pasidungog ang pipila sa mga opisyales sa kapulisan sa Zamboanga del Norte ug mga Stakeholders, isip kabahin sa selebrasyon sa Ika-31 nga Police Community Relation (PCR) atol sa gipahigayon nga Culminating Activity didto sa Camp Lt. Deogracias G. Hamac, Sicayab, Dipolog City, karong adlawa Hulyo 29,2026.
Ang maong pasidungog gipangulon sa ni PCOL REYDANTE E ARIZA, Provincial Director sa Zamboanga del Norte Police Provincial Offie nga gitambongan sa mga stakeholders, mga partisipante sa Salaam Police Advocacy Group, ug mga miyembro sa Media gikan sa ZNPPO Press Corps.
Si PCOL ARIZA atol sa programa mipadayag sa iyang bug-os nga pasalamat ug suporta ngadto sa mga mitambong ilabani sa mga personahe kinsa midawat sa nasangpit nga pasidungog sa ilang dedikasyon sa pagserbisyo sa komunidad ug sa ilang lig-ong dedikasyon sa pagpadayon sa tahas sa pag-alagad sa katawhan nga naghatag ug kalamboan sa pagsalig sa komunidad ngadto sa kapulisan nga usa ka lakang nga subay sa tema nga “Sa Bagong Pilipinas, Ugnayan Pulis at Mamamayan: Tapat, Maaasahan, at Nararamdaman Ng Bayan”.
Padayon ang PNP sa ilang pakig-tambayayong sa mga stakeholders sa pagpadayon ug pagpasiugda sa kalinaw , kahapsay, pagpalambo sa komunidad ug siguridad sa publiko.(MEDALYN U. BORJA)