Giipahigayon kagahapon, Nobyembre 28, 2025, sa Municipal Hall sa Piñan, Zamboanga del Norte ang pormal nga presentasyon sa First 100 Days Accomplishment Report nga nagpakita sa mga programa ug kalamboang natuman sukad pagsugod sa bag-ong administrasyon.
Gipakita sa report ang nag-unang nahimong kalambuan sa gobyerno lokal, ilabi na sa bahin sa good governance, imprastruktura, sosyal nga serbisyo, kahapsay ug kalinaw, ug mas lig-on nga pakiglambigit sa komunidad. Ang maong mga kabag-ohan natuman pinaagi sa paningkamot sa tanang departamento sa LGU, barangay officials, partner agencies, ug dakong suporta sa katawhan sa Piñan.
Nagpasalamat ang lokal nga administrasyon sa tanang mitambong ug sa tanang mitabang sa pagpahigayon sa kalamboan nga padayon nilang gitinguha para sa lungsod.
Nagpabilin ang pasalig sa Piñan nga maghatag ug tin-aw, matinud-anon, ug padayong serbisyo alang sa mas lig-on ug mauswagong komunidad.(JENIFFER JR. DELICA)
Source/Photo Courtesy: Piñan Zamboanga del Norte/Mayor Rommel Gudmalin