Gipasidunganan ang Dakbayan sa Dipolog sa Communication and Advocacy Committee (ComAdCom) IX tungod sa aktibong suporta niini sa Philippine Information Agency (PIA) Region IX ug sa mga ahensiyang kauban sa komite.
Gihatod mismo ni City Information Officer Lorenzo A. Aseniero II ug OIC Assistant City Information Officer Alan Francisco L. Bengua ang Certificate of Recognition sa Mayor’s Office diin ilang gipakita kang Mayor Roberto Y. Uy ang nadawat nga pasidungog alang sa lig-on nga pakigtambayayong sa tinuod ug klarong pagpadagan sa impormasyon.
Gihatag ang maong pasidungog atol sa Regional Outstanding Communicators Awards (ROCA) 2025 nga gipahigayon niadtong Nobyembre 27 sa Zamboanga City.(JENIFFER JR. DELICA)
Source/Photo Courtesy: Dipolog City Government