Nagpahigayon sa ika-29 nga General Assembly ang Piñan Multi-Purpose Cooperative sa Piñan Gymnasium niadtong Marso 14, 2026, uban sa tema nga nagdasig sa panaghiusa ug pag-uswag sa kooperatiba.
Mitambong sa maong kalihokan ang mga miyembro ug opisyal sa kooperatiba lakip si Board of Directors Chairman Camilo Gudmalin ug Vice Chair Loida Belangoy kauban ang uban pang BOD members.
Nagpasalamat usab ang kooperatiba sa suporta ni Congressman PinPin Uy nga naghatag og kadasig sa mga miyembro ug sa padayon nga pagpalambo sa komunidad.
Sumala sa kooperatiba, ang General Assembly kabahin sa ilang paningkamot sa pagpalig-on sa panagtambayayong ug pagpadayon sa kalamboan sa organisasyon.(JENIFFER JR. DELICA)
Source: Mayor Rommel Gudmalin