Gipasiugdahan sa Lokal nga Panggamhanan sa Piñan, Zamboanga del Norte ang kalihokan nga “Empowering Community Peacekeepers: BPAT Revitalization and Barangay Tanod Skills Enhancement Program” aron mapalambo ang kahibalo ug kahanas sa mga peacekeepers sa barangay.
Gipangulohan sa mga opisyal sa PNP nga sila PMSg Rino Jose B. Sanchez, PCPT Giovanni E. Icalina, PSMS Emee R. Monceda, PSMS Jay D. Mañosa, ug PEMS Lemuelle G. Poracan, gitutokan sa maong programa ang pagpalig-on sa kapasidad sa Barangay Peacekeeping Action Teams ug Barangay Tanods sa epektibong pagtuman sa ilang katungdanan sa kalinaw ug seguridad. Nakatabang usab ang simulation exercises nga gipasiugdahan sa PNP, BFP, ug MDRRMC aron mahasa ang ilang kahanas sa pagresponde sa mga emerhensiya ug kalihukan sa barangay.
Gipadayag sa lokal nga panggamhanan ang pasalamat ug suporta sa dedikasyon sa mga peacekeepers. Matud pa nila, ang lig-on ug andam nga mga tanod ug BPATs maoy tinood nga sandigan sa usa ka luwas ug malinawon nga komunidad.(JENIFFER JR. DELJCA)
Source/Photo Courtesy: Municipality of Piñan/Mayor Rommel Gudmalin